乜解救二小人笑得咁開懷？

本地報紙網天氣預測：星期五（9/19）零晨一點，攝氏零度......

哇～ 原來上一個去樹林 post 係四月嘅事！中間梗有帶爆牙去暴走，不過景色跟住大自然嘅循環，幾年來都差不多，我都影到有啲悶悶哋..... 不過而家到咗秋季，又係我至鍾意嘅野菇時段，身痕又 post 下～ 但係呢排唔係落好多雨，菇蹤並非處處......

三年夏季西班牙旅行，去咗 n 次同 n 間超市都冇留意到有呢款用 terracotta 樽仔裝住嘅甜品賣，我對眼應該係完全俾其他食品吸引嘞！呢兩樽係我上星期六晌德國雷根斯堡（Regensburg）一間超市度買嘅～

除咗雪糕、優格，我其實好少買即食樽裝甜品，呢啲 Spanish dessert 好唔好味，我唔太在意，我係鍾意嗰個 terracotta 樽仔啫～ 自從做咗全職港傭之後，真係鍾意買杯碟碗筷、砂煲罌罉多過衫裙套裝、皮鞋手袋呀

隨住京奧結束，郁記嘅注意力又再聚集晌纏擾我哋一年半嘅題目上面，唉！晌捷克住咗接近四年，係呢十年連續住得最耐嘅國家，好希望好希望快啲塵埃落定，知道確實離開日期同目的地！唔係....... 兩夫妻要一齊啪「靜心」嘞

星期六晚：先有龍蝦湯（罐頭），再來煙肉芝士卷（之前整過，click here 睇做法）

奇事（一）
疑遭郁記約三個月前連同垃圾捲埋掉咗嘅福娃紅手電（圖下），上個星期終於家中尋獲！亦將會被派擔任重要清晨五時響鬧工作。事件奇在於郁記之低能

奇事（二）
老公嘅公司 PDA 手電（五月始用）於星期一早上，較預設早一小時響鬧，兩夫妻懵盛盛至飲完 cappuccino、老公臨出門口之前才發覺～ 星期二、三在冇重設下正常於七時四十五分響起～ 今日六時零五分響起 .... 但係 .... 設定係五時零五分 ！！！因老公要搭七時飛機去斯洛伐克～ 事件奇在...... 咁簡單嘅響鬧「分唇」都唔掂 ！

藥性 shampoo 同埋抗生素藥片

唔係我有事（雖然寧願係自己），係狗狗～

好耐冇做阿茂（整餅），又玩下！加上五月啱啱旅行前隔籬屋請咗兩件超難鯁蛋糕嗰時隻碟仲未還，正好唔會「吉碟回歸」，禮尚往來..... 跟 為食貓嘅雜錦牛油曲奇食譜 為基本麵糰，三款饀料自訂～

最近問過老公：最鍾意嘅甜品係乜？佢好慎重咁諗咗一陣，答我話係 tiramisu～ 而我雖然知佢鍾意，但唔會經常整。原因好簡單：Mascarpone 好高脂而老公可以一次過食好多！

我哋出街食飯其實都好多時可以點 tiramisu，不過佢反而唔常點，因為佢對 tiramisu 味道有一套：鍾意酒味濃嘅，而且要係 Amaretto。

咁又到「好」老婆出場嘞，今次重手落咗差不多五湯匙 Amaretto（比一般食譜起碼多一倍）...... 老公食到 lam lam 脷，一面滿足

至於我嘅至愛甜品：咪係雪糕囉～